Kandidati i koalicionit shqiptar ‘Malesia na Bashkon’, Nik Gjeloshaj Tashmë zyrtarisht Komuna e Tuzit udhëhiqet nga një shqiptar. Nik Gjeloshaj ishte kandidati i koalicionit të bashkuar të partive shqiptare nën siglën ‘Malësia na Bashkon’, i cili po fiton bindshëm zgjedhjet ndaj rivalëve të tij malazez, boshnjak dhe serb.
Partitë shqiptare Alternativa Shqiptare, Unioni Demokratik dhe Lidhja Demokratike janë bashkuar në një koalicion me emrin ‘Malësia na bashkon’.
Sipas numërimit të kutive të votimit në njësitë zonale në Drume, Grudë, Trieshi, Koja dhe Hoti koalicioni i Forumit Shqiptar po kryeson bindshëm me 3783 vota.
Sipas sondazheve dhe anketave, në votime kanë marrur pjesë gjithsej 62% e votuesve të Tuzit ose përkthyer në 11.904 qytetarë.
Edhe mediat malazeze tashmë e kanë bërë fakt të kryer. Ata raportojnë se Komuna e Tuzit është fituar bindshëm nga koalicioni shqiptar transmeton newsbomb.al.
Ndërkohë partia e presidentit aktual të Malit të Zi, Milo Gjukanoviçit, DPS-ja, nëpërmjet kandidatit të tyre Mirza Pepiç, në numërimet paraprake rezulton që ka marrë 2470 vota.
Partia e minoritetit boshnjak renditet e treta me vetëm 952 vota dhe më pas vazhdojnë listën partitë e pakicave serbe SD dhe SNP respektivisht me 356 dhe 81 vota.
Kujtojmë se pas Ulqinit, Tuzi është komuna e dytë me shumicë shqiptare, ku po zhvillohen për herë të parë zgjedhjet lokale të pavarura nga komuna e Podgoricës, në të cilën ishin nën varësi deri para një viti.
