Për shkak të një dëmtimi, Santiago Gimenez do të qëndrojë jashtë fushave për disa javë. Konfirmimi ka ardhur nga vetë sulmuesi i Milanit, nëpërmjet një postimi në rrjetet sociale.
“Për disa muaj, luajta me një dëmtim në kyçin e këmbës që më pengoi të isha 100% gati dhe të ndihesha rehat në fushë. Doja shumë të vazhdoja të ndihmoja ekipin, kështu që vazhdova të luaja, por dhimbja u përkeqësua dhe ishte koha të ndalesha.
“Tani është koha të rikuperohemi dhe të përgatitemi për t’u kthyer tek ju sa më shpejt të jetë e mundur. Faleminderit për mbështetjen tuaj, shihemi së shpejti”, shkroi Gimenez në rrjetet e tij sociale.
