Drejtonin makinat në gjendje të dehur, kapen 3 shoferë

Tre shoferë janë arrestuar në Fier pasi janë kapur nga policia duke drejtuar mjetet në gjendje të dehur. Specialistët e Sektorit të Qarkullimit Rrugor në Drejtorinë Vendore të Policisë Fier, arrestuan T. A., 32 vjeç, banues në Patos, pasi në aksin rrugor Fier-Patos, është kapur nga patrulla e Policisë, duke drejtuar automjetin tip “Fiat Punto”, në gjendje të dehur. Në pranga u vu A. Dh., 31 vjeç, banues në Tiranë, pasi në aksin rrugor Fier-Lushnjë, u kap duke drejtuar në gjendje të dehur automjetin tip “Volkswagen”. Po ashtu u arrestua edhe B.T., 66 vjeç, banues në Fier, pasi në vendin e quajtur “Gold Center”, është kapur nga shërbimet e Policisë duke drejtuar motomjetin tip “Lonxia” i pa paisur me leje drejtimi dhe në gjendje të dehur.