Pas protestave në disa raste sa për sa i përket mosmarrjes së ndihmës sociale, ka reaguar edhe drejtoresha e Shërbimit Social Shtetëror, Luneda Sufali. Sufali me anë të një postimi në facebook shkruan se që nga janari i këtij viti ka filluar zbatimi i skemës së re të ndihmës ekonomike në 12 qarqet e vendit, që targeton më mirë varfërinë, dhe shmang në maksimum abuzimet. Më tej, Sufali ka dekonspiruar edhe protestën e zhvilluar në Tepelenë, si të motivuar politikisht. Dy individë që pëefitojnë ndihmë ekonomike, kanë dalë në protestë. “Respektojmë çdo protestë qytetare por kemi detyrimin të jemi transparentë për të treguar edhe rastet kur protestojnë me arsyen e e mospërfitmit edhe individë që tashmë e përfitojnë ndihmën ekonomike, të nxitur politikisht. Kjo ka ndodhur në Bashkinë Tepelenë ku dy zotërinjtë që shihen në foto janë përfitues të ndihmës ekonomike. E. Keri ( Zotëria me kapele të zezë tek dera_ është përfitues i ndihmës ekonomike në masën 5760 lekë. H. Ismaili ( Zotëria me kapuç blu) është përfitues i ndihmës ekonomike në masën 7380 lekë.” Në fund, drejtoresha Sufali thekson se do vazhdojë puna me zbatimin e skemës së re pëe ndihmën ekonomike.
“SHSSH dhe Drejtoritë Rajonale të SHSSH në 12 qarqet e vendit janë të vendosur për ta zbatuar me sukses skemën e re të NE, duke sqaruar qytetarët për çdo paqartësi që ata kanë, dhe duke u kujtuar se Bashkitë kanë mundësi të përdorin fondin 6 % të NE dhe nga fondet e tyre, për ato familje që nuk kanë dalë përfitues nga sistemi.”, përfundon Sufali.
Reagimi i plotë i Sufali-t: Që nga janari i këtij viti ka filluar zbatimi i skemës së re të ndihmës ekonomike në 12 qarqet e vendit, që targeton më mirë varfërinë, dhe shmang në maksimum abuzimet. Respektojmë çdo protestë qytetare por kemi detyrimin të jemi transparentë për të treguar edhe rastet kur protestojnë me arsyen e e mospërfitmit edhe individë që tashmë e përfitojnë ndihmën ekonomike, të nxitur politikisht. Kjo ka ndodhur në Bashkinë Tepelenë ku dy zotërinjtë që shihen në foto janë përfitues të ndihmës ekonomike. E. Keri ( Zotëria me kapele të zezë tek dera_ është përfitues i ndihmës ekonomike në masën 5760 lekë. H. Ismaili ( Zotëria me kapuç blu) është përfitues i ndihmës ekonomike në masën 7380 lekë. SHSSH dhe Drejtoritë Rajonale të SHSSH në 12 qarqet e vendit janë të vendosur për ta zbatuar me sukses skemën e re të NE, duke sqaruar qytetarët për çdo paqartësi që ata kanë, dhe duke u kujtuar se Bashkitë kanë mundësi të përdorin fondin 6 % të NE dhe nga fondet e tyre, për ato familje që nuk kanë dalë përfitues nga sistemi.
