Skuadra e Teutës vijon pa ndalesë përgatitjet për ndeshjen e fundjavës kundër Tiranën, një sfidë që shihet si shumë e rëndësishme për ecurinë e durrsakëve në këtë fillim sezoni. Nën drejtimin e trajnerit Dobi, ekipi ka punuar intensivisht gjatë ditëve të fundit, me synimin për të ruajtur trendin e rezultateve pozitive dhe për të mbajtur ende të paprekur kolonën e humbjeve.
STËRVITJA — Tashmë kushtet atmosferike kanë qenë ideale, në Durrës, skuadra nuk ka ndryshuar planin dhe ka zbritur normalisht në fushë. Seanca e fundit u fokusua si në aspektin fizik, ashtu edhe në atë teknik e taktik, ku Dobi kërkoi përqendrim maksimal nga lojtarët. Burime pranë klubit bëjnë me dije se trajneri ka provuar disa alternativa në formacion, duke i dhënë rëndësi harmonisë mes repartit të mbrojtjes dhe mesfushës, pasi përballja me bardheblutë pritet të jetë e fortë fizikisht.
RIKTHIME TË RËNDËSISHME — Grupi i plotë, tashmë për trajnerin Dobi, ku do të ketë të gatshëm, Torrajn dhe Jazxhi. Të dy e kanë kaluar fazën e dëmtimit dhe janë rikuperuar pas dëmtimeve dhe stafi mjekësor ka dhënë dritën jeshile për kthimin e tyre. Këto rikthime janë një shenje e mirë për stafin teknik, që tani ka luksin e zgjedhjeve.
ATMOSFERË POZITIVE DHE MOTIVIM — Në kampin durrsak mbizotëron një atmosferë pozitive. Rezultatet e mira në javët e para kanë krijuar një frymë optimizmi, ndërsa lojtarët shihen të motivuar dhe me dëshirë për të treguar vlerat e tyre. Trajneri Dobi, i cili ka ditur të ndërtojë një grup të konsoliduar, ka kërkuar nga të tijtë të mos e nënvlerëNga Tirana te Teuta Durrsakët kanë përfituar nga eksperienca e futbollistëve që dikur mbrojtën fanellën e Tiranës. Gentian Selmani, portieri i kombëtares, i pazëvendësueshëm në portën e Teutës. Florjan Përgjoni dhe Blerim Kotobelli, mbrojtës me eksperiencë që kanë kaluar nga Tirana. Albi Doka dhe Ardit Toli, janë lojtarë që sjellin disiplinë dhe stabilitet në prapavijën durrsake. Më parë kanë fituar titullin kampion me bardheblutë. Të njëjtën gjë ka bërë edhe Përgjoni. Mario Beshiraj i rritur te Tirana, që ka gjetur më shumë përgjegjësi dhe minuta në Durrës. Ish-ët sojnë aspak kundërshtarin, duke theksuar se çdo ndeshje është e rëndësishme për objektivat afatgjata të klubit.
TESTI I VËRTETË — Ndeshja ndaj Tiranën shihet si një test i rëndësishëm për Teutën, jo vetëm për të ruajtur ecurinë e mirë, por edhe për të treguar forcën e grupit përballë një skuadre që njihet për luftën dhe rezistencën e saj në fushë. Bardheblutë kanë treguar gjithmonë se dinë të vështirësojnë rivalët, ndaj për Teutën ky duel do të kërkojë përqendrim maksimal deri në minutën e fundit.
SYNIMI — Objektivi i Teutës është i qartë. Të marrë fitoren dhe të vazhdojë rrugëtimin e nisur mbarë këtë sezon. Një rezultat pozitiv jo vetëm që do t’i forconte pozitat në renditje, por do t’i shtonte edhe më shumë besimin skuadrës, e cila synon të jetë mes pretendentëve kryesorë për zonat e larta të tabelës.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
