Piter Itodo Mandelës i është dashur pak kohë që të kthehet vendimtar në radhët e klubit të Metalist 1925 në Ukrainë. Sulmuesi i cili u largua nga Dinamo në verë për t’u transferuar te klubi ukrainas, po bën mjaft mirë atje dhe po shënon me rregullsi.
Sot, ai ka gjetur dy herë rrugën e rrjetës në ndeshjen e Kupës së Ukrainës përballë Ahrobiznes Voloçisk, në ndeshjen që siguronte një biletë për në çerekfinalet e turneut.
Që në minutën e 5-të, ai la shenjën e tij në këtë ndeshje, me një gol ku u desh të tentonte dy herë portën, pasi u ndal fillimisht në vijën fatale.
Në fundin e pjesës së parë, ai ia doli të çonte shifrat në rezultatin e përkohshëm 3-0, me një goditje spektakolare në zonë, që nuk i la kohë portierit të reagonte.
SHIH VIDEON
Dygolëshi i mjaftoi trajnerit të Metalist 1925, i cili e zëvendësoi sulmuesin në pushimin e ndeshjes.
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
