Veprimet e vrasësit të Ajet Zeqajt nga Tepelena, ashtu siç shihet në videon e publikuar ekskluzivisht nga Lapsi.al, janë të një profesionisti. Ekspertë të kriminalistikës që i shqyrtuan pamjet filmike të kamerave të sigursë pas publikimit, ndalen te një moment i saj: ai i bllokimit të armës dhe mënyrës se si “killeri” arrin ta zhbllokojë në më pak se 1 sekondë, duke e goditur në pjesën e sipërme.
Është një veprim që mësohet në radhët e forcave speciale të ushtrisë, shpjegojnë ata për lapsi.al. Ky detaj i shton dyshimet se vrasësi të jetë një ish –komando. Janë jo të paktë ish –efektivët e repartit special të ushtrisë që dyshohet se janë rekrutuar nga grupe kriminale për të kryer vrasje kundrejt pagesave. Disa prej ish –komandove që kanë shërbyer në misione në Irak e Afganistan janë pas hekurave për vrasje, grabitje apo trafik droge. /Lapsi.al
