Teuta e Edlir Tetovës synon titullin kampion dhe këtë po e tregon me investimet në merkaton e verës. Lëvizja e fundit është afrimi i Ilir Kuklecit. Në Norvegji janë zbuluar të gjitha prapaskenat.
Disa javë më parë, lajmi për afrimin e mbrojtësit në Durrës u raportua ekskluzivisht nga gazeta “Hamar Arbeiderblad”. Sot ndërkohë është “TV 2” që shton prapaskenat e bujshme.
Sipas raportimit në fjalë, Teuta ka paguar 1,5 milionë korona norvegjezë për të fituar shërbimet e Kuklecit. E kthyer në euro bëhet fjalë për 136 mijë euro.
Një dëmtim i lehtë ishte arsyeja që shtyu prezantimin e Kuklecit. Tashmë janë kryer vizitat mjekësore dhe pritet vetëm prezantimi.
27-vjeçari ishte opsion në stol te HamKam. I gjatë 1,94 metër do e ketë eksperiencën e parë jashtë Norvegjisë. HamKam ia doli të mbushte arkën, vetëm disa muaj pasi e kishte transferuar falas. Babai i Kuklecit është nga Shqipëria, ndërsa nëna nga Kroacia.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
