4 fitore në 4, 12 pikë të plota, 0 humbje në çdo turne, me Arsenal që është thjesht perfekt në këtë fillim sezoni. Ndaj Sunderland në transfertë, ekipi i Arteta-s vuajti jashtëzakonisht shumë, ku u desh një super Raya për të dalë me pikë të plota, me portierin spanjoll që mbajti në lojë “topçinjtë” teksa në minutën e 56-të priti një 11-metërsh. Dy minuta më vonë, ishte Guimaraes që realizoi një super gol, me brazilianin që dërgoi topin në trekëndësh me një goditje perfekte nga distanca.
Sunderland nuk u dorëzua, tentuan deri në frymën e fundit të shmangin humbjen, por portieri Raya ishte i pakalueshëm. Në shtesë, në minutën e 97-të, Arsenal me një zbritje të shpejtë në sulm kapi mati ekipin e Xhakës, me Saka që fitoi një penallti dhe po vetë nga pika e bardhë u tregua i saktë duke hipotekuar fitoren 2-0 të Arsenal.
Pavarësisht këtij suksesi, Mikel Arteta u shfaq i tërbuar në konferencë për shtyp, me trajnerin e Arsenal që nuk e priti mirë penalltinë e akorduar në favor të Sunderland: “Jam 100% i sigurt. Është e papranueshme të akordohet një penallti e tillë në këto nivele. Kjo mund të ndryshojë të gjithë sezonin. Kam 27-28 vite që merrem me futboll, ajo nuk është penallti në asnjë kontekst, në asnjë ligë. Nga ana tjetër jam shumë i kënaqur me atë që dhuruan djemtë”, u shpreh Arteta.
Vijon sezonin me ulje ngritje të forta Liverpool. Të kuqtë ngecën në një barazim pa gola në “Anfeild” përballë Fulham. Me 6 pikë në 4 javë, Liverpool renditet provizorisht në vendin e 6-të në Premier League.
Nuk bëri më mirë në këtë javë as Chelea, me blutë që dolën me një 1 pikë pas barazimit 2-2 përballë Hull City. Rogers dhe Joao Pedro ishin autorët e golave për blutë e Alonsos.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
