Një shqiptar 60-vjeçar, banues prej vitesh në Itali, ka pësuar një aksident pasditen e djeshme, ndërsa ishte duke punuar në një pallat.
60-vjeçari u përplas pas murit nga një furgon që erdhi me shpejtësi teksa shqiptari, bashkë me disa punonjës të tjerë, po kryenin punime restauruese në një pallat në rrugën Calabria në Alba Adriatica.
Goditja nga furgoni, i cili po ecte mbrapsht, ishte mjaft e fortë dhe e plagosi rëndë shqiptarin, i cili u dërgua me urgjencë në spital. Mjekët që e operuan nuk japin thanë se po e mbajnë në mbikëqyrje të vazhdueshme, ndërkohë nga hetimet e para është bërë të ditur se shoferi i furgonit nuk e dinte se 60-vjeçari shqiptar ishte pas tij, në momentin e aksidentit.
Policia tha se e përjashton pistën e një aksidenti të qëllimshëm.
