Një krim i rëndë në familje tronditi sot në mbrëmje Tiranën, ku babai 74-vjeçar vrau me thikë djalin e tij 37-vjeçar.
Ngjarja e rëndë ndodhi te “Kodra e Priftit” në banesë dhe në prani të familjarëve të tjerë.
Hekuran Gjoni qëlloi me thikë djalin e tij Asim Gjoni, duke i shkaktuar plagë të rënda. Ai ndërroi jetë rrugës për në spital.
Krimi dyshohet të ketë ndodhur pas një konflikti, teksa dyshohet se të dy ishin në gjendje të dehur.
Asim Gjoni ishte baba i dy fëmijëve dhe siç dallohet nga fotot, ai ishte ushtarak.
