Një ngjarje e rëndë ka ndodhur tronditur ditën e sotme Prizrenin ku djali ka vrarë me thikë të atin. Lajmin e ka bërë të ditur zëdhënësi i policisë së Prizrenit Shaban Osmanollaj i cili ka thënë se djali në moshën 30-vjeçare me iniciale M.H ka vrarë të atin i cili ishte në moshën 50-vjeçare.
Nuk dihet ende arsyeja e krimit në familje sakaq bëhet e ditur se emergjenca, njësitë policore kanë arritur në vendin e ngjarjes ku po merren dhe me rrethanat e vrasjes.
“Sot me datë 25 dhjetor 2020 rreth orës 13:55, një qytetar e ka njoftuar stacionin policor Prizren-Veri se në lagjen Dardani, Rruga ‘Nazim Kokollari/ është duke ndodhur një rast dhune në familje, ku djali është duke i sulmuar prindërit. Patrulla policore ka arritur në vendngjarje dhe kanë arrestuar personin e dyshuar M. H rreth 30 vjeçar i cili e ka sulmuar prindin e tij me thikë. Si pasojë e plagëve të marra viktima (prindi) përkatesisht babai rreth 50 vjeçar ka ndërruar jetë. Emergjenca, njësitë policore dhe forenzika kanë dalur në vendin e ngjarjes”, ka thënë Osmanollaj.
