Trajneri Edlir Tetova ka përgatitur ndeshjen e Egnatias me qartësi taktike dhe me vizion afatgjatë. Objektivi për këtë takim të parë është i qartë: të ruajnë portën dhe të rikthehen në Shqipëri me një rezultat që lë gjithçka të hapur për sfidën e kthimit në Rrogozhinë.
Skuadra do të kërkojë një lojë të kujdesshme në prapavijë dhe efikase në daljet përpara. Më shumë rëndësi sesa goli, ka të mos pësohet, sepse një barazim pa gola apo një humbje minimale mund të vlejë shumë në llogaritë finale të kualifikimit. Tetova e di se ndryshe nga rivalët, Egnatia ka më pak përvojë dhe më pak presion. Por pikërisht kjo është arma që kërkon të përdorë: të luajë pa ngarkesë, por me disiplinë.
E gjithë strategjia është përqendruar në faktin që kualifikimi do të vendoset në Rrogozhinë, ku faktori fushë dhe mbështetja e tifozëve mund të bëjnë diferencën. Dhe për të mbërritur deri aty me shanse reale, Egnatia ka nevojë për një ndeshje perfekte në Slloveni, jo spektakolare, por të zgjuar dhe të menaxhuar mirë.
