Dyshja e njohur e “Big Brother VIP Kosova 4”, Elijona dhe Klodi, kanë rikthyer sërish vëmendjen e publikut dhe rrjeteve sociale, pas një videoje të publikuar së fundmi që ka ngjallur diskutime të shumta për raportin e tyre.
Mbrëmjen e djeshme, ata ndanë në TikTok një video ku shfaqen shumë pranë njëri-tjetrit, teksa në sfond dëgjohej kënga e njohur e Ledri Vulës, “A jena mirë”. Ky moment u interpretua nga ndjekësit si një sinjal i qartë se mes tyre mund të ketë diçka më shumë se një miqësi, duke rikthyer spekulimet për një lidhje të mundshme romantike.
https://vt.tiktok.com/ZSxjaxWK4/
Prej javësh, në rrjetet sociale kanë qarkulluar zëra se ish-banorët kanë nisur një romancë jashtë shtëpisë së BBVK. Thashethemet u shtuan pas lajmit për ndarjen e Klodit nga e dashura e tij italiane, si edhe pas pushimeve të përbashkëta të dyshes në Turqi, ku ata janë parë në shoqërinë e miqve të afërt. Më tej, pamjet e tyre së bashku në Tiranë kanë shtuar edhe më shumë kureshtjen e publikut.
Historia e tyre nisi të marrë vëmendje që gjatë qëndrimit në shtëpinë e “Big Brother VIP Kosova”. Elijona ka shprehur hapur pëlqimin për Klodin, ndërsa ky i fundit ka qenë më i rezervuar gjatë spektaklit, duke e pranuar ndjenjën vetëm pas daljes, në “Post BBVK”.
Megjithatë, pavarësisht videove dhe aludimeve të shumta, një konfirmim zyrtar nga të dy mungon ende. E ftuar në emisionin “Ora 7”, Elijona u shpreh se raporti mes tyre mbetet i mirë, duke theksuar: “Kalojmë mirë bashkë dhe e kemi ruajtur raportin që kemi krijuar në BBVK”.
