Ministrja Elisa Spiropali ka këmbëngul sërish në teorinë e saj se dekoratat që shpërndan Presidenti Ilir Meta janë disa verdhushka të qypit që ua jep disa personave që vijën nga kafja e LSI-së.
Përmes një reagimi në faqen e saj në Facebook, Spiropali shkruan se nuk kompleksohet asnjë qyp e asnjë filxhan i LSI sepse ajo dhe Partia Socialiste, luftërat çlirimtare dhe heronjtë e tyre, i kanë në ballë, dhe se sipa saj i nderojnë duke luftuar për Reformën në Drejtësi, Taksimin e Ndershëm, Librat Shkollore Falas, Rimbursimin e Ilaçeve, etj.
Ndër të tjera ministrja shton se edhe dekoratën e Vojo Kuishit, për të cilin vetë Spiropali lëshoi gafën lebetitëse një natë më parë në studion e “Opinion”, ia dha njërit që vinte nga kafja e LSI-së.
Reagimi i plotë
Kush kujton se Ilir Meta i nderon dëshmorët me teneqet që i shpërndan si verdhushkat e qypit të marrëzisë nga foltorja e Presidentit, gabon rëndë! Nuk kanë nevojë heronjtë e popullit për verdhushkat e Baba Xhikes dhe Baba Xhikja është i vetmi president në botë që dekoron njerëz të rënë në luftëra që kanë ndodhur kur ai vetë nuk kishte lindur akoma! Kjo është një farse e turpshme, e neveritshme, qesharake, e cila u bë krejt kuptimplotë kur dekorata për Vojo Kushin nuk iu dha as familjes së heroit po një të panjohuri që kishte ardhur në ceremoni nga kafeneja e LSI-së afër Presidencës! Nëse ka një parti sot që i turpëron heronjtë e luftës është LSI e qypave dhe filxhanëve dhe nëse ka një individ që e turpëron shtetin shqiptar në marrëdhënie me kujtimin e tyre, ky është Baba Xhikja i Presidencës me dekoratat e tij si vula e Xhike Qamilit! Mua nuk më komplekson asnjë qyp e asnjë filxhan i LSI sepse unë dhe Partia Socialiste luftërat çlirimtare dhe heronjtë e tyre, i kemi në ballë, i nderojmë duke luftuar për Reformën në Drejtësi, për Taksimin e Ndershëm, për Librat Shkollore Falas, për Rimbursimin e Ilaçeve për më shumë se gjysëm milionë qytetarë të pasiguruar, për Rilindjen Urbane, për Mbrojtjen e Trashëgimisë Kulturore, për Shqipërinë Evropiane… Po po, Ilir Meta është gjeneral i një ushtrie të vdekur verdhushkash që s’ka asnjë lidhje me heroizmat e me heronjtë e luftërave shqiptare për liri! Kur ai flet per Avni Rustemin, mua më kujtohet blloku i tij i zi. Kur ai flet për Margarita Tutulanin, mua me kujtohen vilat e tualeti për macet e Monës. Kur ai flet për Vojo Kushin, mua me kujtohet Peçua i tij farmaceutik dhe me vjen për të vjellë nga nëpërkëmbja brutale e yjeve të luftës nën shollën e ushtrisë së gjeneral Xhikes! Kështu që le të lehin sa të duan, po të vërtetën time nuk e negocioj me askënd!
