Elite Youth Development Academy vijon me përkushtim misionin e saj për të ndërtuar dhe zhvilluar brezin e ri të futbollistëve cilësorë në Shqipëri, duke u fokusuar në standarde të larta pune dhe një qasje moderne të formimit sportiv.
Në kuadër të programit të saj zhvillimor, ekipet e Akademisë zhvilluan ndeshje miqësore me skuadra të kampionatit vendas. Ekipi U15 u përball me U15-ën e Dinamo City, ndërsa ekipi U14 zhvilloi një takim testues ndaj U14-ës së Laçit. Këto përballje përfaqësojnë një element të rëndësishëm në procesin e rritjes së lojtarëve, duke u shërbyer si një mjet i vlefshëm vlerësimi për stafin teknik.
Përmes këtyre aktiviteteve, Akademia synon të monitorojë vazhdimisht progresin teknik, fizik dhe taktik të futbollistëve të rinj, si dhe të forcojë mentalitetin konkurrues dhe disiplinën profesionale që kërkon futbolli i nivelit të lartë.
Djemtë vijojnë përgatitjet sipas një programi të strukturuar javor, që përfshin stërvitje të përditshme, regjim ushqimor të kontrolluar, si edhe trajnime dhe takime me futbollistë profesionistë të kampionatit shqiptar dhe të Kombëtares. Ky model pune pasqyron vizionin e Elite Youth Development Academy dhe të FSHF-së për një zhvillim afatgjatë dhe të qëndrueshëm të futbollit shqiptar.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
