CEO i kompanisë Tesla Inc., Elon Musk ka hedhur dyshime mbi saktësinë e testeve për Covid-19, pasi të enjten pretendoi se kishte kryer katër brenda një dite dhe dy herë kishte rezultuar pozitiv, ndërsa dy herë të tjera negativ.
“Po ndodh diçka e pavërtetë. U testova katër herë për Covid sot. Dy teste dolën negative, dy pozitive. Në të njëjtën pajisje, i njëjti test, e njëjta infermiere”, shkroi Musk në Tëitter. Ndërkohë, ai po pret përgjigjen e testit PCR, që e kreu në një kompani tjetër. I pyetur nga ndjekësit në Tëitter, Musk tha se kishte simptoma tipike të ftohjes. Më parë, Musk ka kritikuar masat kufizuese të përdorura për frenimin e përhapjes së koronavirusit, duke i quajtur “fashiste” dhe shkelje të lirive individuale.
