Biznesmeni i njohur shqiptar, Elton Ilirjani ka treguar se cili ka qenë momenti më i vështirë në jetën e tij.
I ftuar mbrëmjen e sotme në një intervistë për emisioni ‘Opinion’ në TV Klan, Ilirjani ka treguar se në 97′ dikush i ka treguar armën, duke e zbrazur afër veshit të tij.
Sipas tij kjo ngjarje ndodhi vetëm sepse ai ishte gay dhe i pashoqëruar nga një familjar ose i afërm.
Pjesë nga biseda:
Fevziu: Cili ka qenë moment më i vështirë në jetën tënde?
Elton Ilirjani: Momenti më i vështirë i jetës time ka qenë në vitin 97′. Unë isha adoleshent dhe kërcënohesha me jetë.
Fevziu: Në 97′?
Elton Ilirjani: Po isha 17, jetoja në Tepelenë. Në marrëzinë e vitit 97′, dikush më drejtoi pistoletën dhe e zbrazi shumë afër veshit tim.
Fevziu: Pse? Vetëm se ishe gay?
Elton Ilirjani: Po. Dhe ishte hera e parë që unë dilja pa dikë nga shtëpia.
Fevziu: Ti dilje gjithmonë i shoqëruar?
Elton Ilirjani: Dilja ose me kushërirën, ose me kushëririn.
Fevziu: Kush ka qenë sharja më ofenduese që të kanë bërë në Shqipëri?
Elton Ilirjani: Fjala e parë që kam dëgjuar edhe nuk e kam kuptuar ka qenë fjala “pederast”. Kam shkuar në shtëpi dhe kam pyetur çfarë është, sepse unë mendova se ishte një kompliment.
Fevziu: Dhe shkove në shtëpi dhe ju the…
Elton Ilirjani: Dhe i thashë vëllait mora një kompliment, më quajtën “pederast”. Dhe ai buzëqeshi dhe më tha:
“Nuk është kompliment, është ofendim.”
Dhe unë i thashë çfarë do të thotë? Sepse unë isha mësuar vetëm me fjalë të mira nga babai, nga nëna. Rritesha me këngë, me dashuri.
