Zv.kryeministri Erion Braçe dukej i emocionuar teksa mbajti fjalën si përfaqësues i qarkut të Fierit në hapjen e fushatës elektorale. Ai nuk i kurseu vlerësimet dhe lavdet për kreun e socialistëve, Edi Rama.
“Kam hyrë djalë dhe jam burrë në atë shtëpi. Për të duhet të votoni, për PS. Edi Rama është një mik, një shok, për mua është një vëlla. Unë e çmoj shumë që më ka dhënë lirinë. Është një liri që e meriton çdo shqiptar, Edi Rama është një punëtor i zakonshëm si të gjithë ju. Kam një thirrje për Fierin që është ekonomia e dytë më e madhe e Shqipërisë dua votë për secilin nga Gramoz Ruçi deri të Lindita Buxheli”, u shpreh Braçe.
