Në Gjirokastër dyert nuk mbyllen as në verë e as në vjeshtë për turistët. Fundjava ka mbushur rrugët dhe hoteleritë me qindra turistë të huaj. Eshtë bërë tashmë traditë në qytetin e UNESCO-s se mund të shohësh turistë në çdo ditë dhe sidomos fundjavave.
Gjirokastra dhe në vjeshtë ‘pushtohet’ nga turistët… Turistët tërheqin “zinxhir” njëri-tjetrin. Ata që kanë bujtur më herët kanë përcjellë përshtypjet tek miqtë e tyre në kthim. Këta të fundit duke besuar tek miqtë e tyre kanë marrë udhën për Gjirokastër.
Këtë fundjavë kinezë e bullgarë, grekë, gjermanë vizitojnë Gjirokastrën. Nga Australia dhe Amerika e largët turistë të shumtë vizitojnë qytetin e gurtë mbushur me histori. Turistët i tërheq mikpritja, guzhina, muzetë, kalaja. Kalanë këtë sezon e vizituan mbi 15 mijë turistë. Turizmi kulturor është një tjetër faktor tërheqës për të huajt.
