Shqipëria U-19 e vajzave është gati për sfidën e nesërme ndaj Malit të Zi. Përfaqësuesja kuqezi do të zbresë në fushë nesër në orën 15:00, në “Shtëpinë e Futbollit”, për ndeshjen e parë të raundit të dytë të kualifikueseve të Kampionatit Europian 2026 për këtë grupmoshë.
Skuadra paraqitet në gjendje shumë të mirë fizike, ndërsa trajnerja Daniela Kodra do të ketë në dispozicion të gjitha lojtaret e grumbulluara.
Takimi Shqipëri – Mali i Zi do të zhvillohet në “Shtëpinë e Futbollit” në orën 15:00 dhe do të transmetohet në FSHF Tv.
