Fauci: Vaksina gati shumë shpejt, por të sigurt jemi vetëm në fund të vitit 2021

“Nuk jemi larg, një vaksinë efektive mund të jetë tashmë e disponueshme midis fundit të nëntorit dhe dhjetorit. Por ajo nuk do të shpërndahet para vitit 2021.
Ne do të jemi në gjendje të themi të sigurt, shpresoj, para Krishtlindjeve të ardhshme: atë të vitit 2021’.
Këto kanë qenë fjalët e virologu të njohur dhe kreut të Institutit Kombëtar Amerikan për Parandalimin e Sëmundjeve Infektive, të Shtëpisë së Bardhë, Anthony Fauci.
“Shkencëtarët po bëjnë një punë të jashtëzakonshme. Studimet e tyre mbi Covid-19 tashmë na kanë befasuar dhe ende na befasojnë. Por kërkon kohë për t’u kthyer në normalitet”. –ka thënë më tej Fauci.
Kujtojmë që pak dotë më parë presidenti i SHBA, Donald Trump, ka shpërthyer me tone të ashpra ndaj Kreut të Institutit Kombëtar të Alergjive dhe Sëmundjeve Infektive, Dr. Anthony Fauci.
Donald Trump është shprehur i zhgënjyer prej tij, duke theksuar se njerëzit janë lodhur duke dëgjuar për pandeminë vdekjeprurëse, që ka vrarë më shumë se 215 000 amerikanë. Trump e konsideron atë si një “katastrofë” përreth “500 vjet”.
Më pas edhe eksperti i lartë i sëmundjeve infektive Anthony Fauci iu përgjigj kritikave të reja nga presidenti Donald Trump, duke cituar “Kumbarin” në një intervistë në radio.
Më pas Fauci tha se nuk do që të komentojë gjëra që më shumë e përqendrojnë, duke thënë se SHBA e bota vazhdojnë të jenë në rrezik nga Covid-19.
“Unë do të preferoja të mos e komentoja atë dhe thjesht të merresha me atë që ne vërtet po përpiqemi të bëjmë dhe ajo që po përpiqemi të bëjmë është të mbrojmë shëndetin dhe mirëqenien dhe sigurinë e popullit amerikan kryesisht, dhe në fund të fundit, të botës, “ai tha.” Ne po shohim një ngritje në raste – më të larta se ato që kanë qenë ndonjëherë. Shumë, shumë shtete që kishin qenë duke ecur mjaft mirë tani po tregojnë rezultate, kjo është ajo në të cilën duhet të përqendrohemi “, tha ai.