Pak kohë më parë u bë virale në internet një faturë e një restoranti që fileton e vicit e shiste 25 mijë lekë. Por ka edhe më keq se kaq. Sidomos në Mykonos, një prej ishujve më të shtrenjtë të Greqisë.
Richard John Hutton, një boksier i njohur anglezh, ka paguar një faturë prej gati 2 mijë euro për një drekë. Një ujë mineral kushtonte 16 euro dhe buka 14 euro. Bifteku kushtonte 920 euro.
Kur u erdhi llogaria, ai nuk po e besonte atë që po shihte dhe kështu e fotografoi. Fotografia u postua në llogarinë e tij në ‘Instagram’. Ai komentoi në foto se u zgjua të nesërmen në mëngjes duke qarë për faturën që pagoi.
“U zgjova në mëngjes në një pellg lotësh”, shkruan ai në ‘Instagram’.
