Njësia vendore e kujdesit shëndetësor në Gjirokastër ka ngritur një grup pune lidhur me masat e marra ndaj këtij virusi.
Në doganën e Kakavijës ka patur kontrolle te shtuara për të parandaluar përhapjen e virusit në Shqipëri.
Punonjës të kësaj njësie vendore po pyesin të gjithë shtetasit shqiptarë dhe të huaj në lidhje me lëvizjet e tyre.
Ndërkohë raportohet se gjatë ditës së djeshme një shtetas aziatik është futur në territorin tonë përmes kësaj pike kufitare.
Po dje, autoritetet e portit të Durrësit ndaluan dhe më pas lanë të lirë një çift kinez. Kontrolle të rrepta janë marrë dhe në aeroportin ndërkombëtar të Rinasit.
