Policia e Mbrojtjes nga Zjarri dhe e Shpëtimit ka kryer këto ditë para motit të thatë, inspektim të hidranteve në pjesën e poshtme të qytetit të Gjirokastrës. Inspektimet ndërmerren para sezonit të verës dhe për të kontrolluar gatishmërinë e tyre në rastet emergjente. Një problem për këtë është vërejtur në një nga lagjet e qytetit të gurtë pasi hidrantet janë vendosur të papërshtatshëm për furnizimin me ujë.
Firma që ndërtoi rrjetin e brendshëm të Ujësjellësit të ri të Gjirokastrës, nuk ka instaluar instrumentet e nevojshme ndërkohë që kjo lihet për detyrë për javët e ardhshme. Kujtim Bizhga komandant PMNZSH ka kërkuar që në lagjet e sipërme hidrantet të jenë mbitokësorë pasi kështu janë dhe praktikë dhe kanë mundësi të përdoren edhe nga qytetarët në rastet ku ka zjarre.
