Gjirokastra është prej disa ditësh në një situatë emergjente për shkak të reshjeve të shumta të dëborës, që izoluan qytetin dhe fshatrat përreth. Por kjo s’e pengon Partinë Demokratike të vijojë përgatitjet për zgjedhjet lokale të qershorit.
Sot në Gjirokastër ishte deputeti Tritan Shehu. Ai zhvilloi një takim me strukturat lokale të PD-së, me të cilat diskutoi organizimin e partisë në prag të zgjedhjeve.
Shehu tenton në këtë mënyrë të mbajë të ‘karikuar’ njerëzit në bazë, duke i motivuar edhe me gjoja skenarin e zgjedhjeve të parakohshme, që praktikisht ka pak gjasa të ndodhë. PD ende nuk e ka një kandidat për Bashkinë Gjirokastër. Gjasat janë që të hyjë në koalicion me LSI-në, por deri më tani askush nuk po lakohet si alternativa që mund t’u kthejë demokratëve Bashkinë Gjirokastër që nga koha e largët e Ylli Asllanit.
©argjiroja.net
