Fusha e futbollit në fshatin Dervician të Dropullit sot e tutje do të mbajë emrin Lefter Millos, legjendës së futbollit shqiptar nga radhët e minoritetit grek. Mbrëmjen e kaluar u zhvillua një ceremoni me këtë rast, ku ishin të pranishëm autoritetet vendore në Gjirokastër e Dropull.
Mes tyre prefekti Astrit Aliaj, kryebashkiakët Flamur Golemi e Dhimitraq Toli, ish-ministri Spiro Ksera dhe përfaqësues të klubit Luftëtari. Pjesë e këtij eventi ishte edhe promovimi i një libri me poezi i motrës së Lefter Millos.
Kohë më parë pranë kësaj fushe është vendosur edhe një bust i ish futbollistit të Luftëtarit, Partizanit dhe kombëtares shqiptare.
Lefter Millo ndërroi jetë në një aksident automobilistik para disa vitesh. Aktualisht fusha e Dervicianit përdoret për stërvitje nga ekipi i Luftëtarit.
©argjiroja.net
