Këngëtarë nga Evropa dhe Amerika janë mbledhur në Gjirokastër për të sjellë muzikën e tyre më të mirë në aktivitetin e veçantë të emërtuar “Fustanella festival”.
Qëllimi i këtij organizimi sipas ministres së Kulturës, Mirela Kumbaro është para së gjithash promovimi i Gjirokastrës, dhe mënyra më e mirë për rijetëzimin e monumenteve të kulturës.
Ashtu si palat e shumta të fustanellës shqiptare, të shumëllojshme kanë qenë dhe rrymat muzikore të prezantuara në këtë festival që u shtri në të gjithë qendrën historike, duke përcjellë muzikë që nga Qafa e Pazarit deri tek kalaja e qytetit.
Tre netë të bardha do të gjallërojnë qytetin e UNESKO-s falë “Fustanella festival”, çfarë ka kthyer Gjirokastrën në destinacion të kësaj fundjave./bw
