Tragjedi në futbollin italian. Kapiteni i Fiorentinës, Davide Astori, 31 vjeç, është gjendur i vdekur në dhomën e tij të hotelit “La di Moret”, në Udine, ku skuadra e tij gjendet për ndeshjen e me Udinezen.
Mbrojtësi me shumë mundësi ka vdekur në gjumë, ndoshta nga një atak kardiak. Ndeshja Udineze-Fiorentina është shtyrë. Astori ka lënë një vajzë dyvjeçare, Nikolën. Ai është rritur te akademinë e Milanit dhe në karrierën e tij ka luajtur edhe me Kaljiarin dhe Romën.
