Futbollisti i parë që e pranon: Jam gay

“Jam futbollist dhe jam homoseksual”. Këto ishin fjalët e shkruara në një postim në rrjetet sociale për të zbuluar prirjet e tij seksuale, nga Joshua Cavallo, lojtar i Adelaide United në Australi. “Sot jam gati të flas për diçka personale, për të cilën ndihem rehat për herë të parë në jetën time. Jam krenar që e them publikisht se jam gay. Ka kaluar kohë, që kur erdha në këtë pikë në jetën time, por s’mund të isha më i lumtur me vendimin tim për ta thënë hapur. Kam luftuar me seksualitetin tim për 6 vite rresht tani dhe jam i lumtur që do e vendos në qetësi. Njerzit që më njohin personalisht e dinë se jam person privat. Duke u rritur, gjithmonë ndihesha të fshehja veten sepse jam e turpëruar. I turpëruar se asnjëherë nuk do bëja çka të doja duke qenë gay. Gjithmonë kam dashur të luaj futboll që fëmijë dhe të trajtohem njësoj.”,- tha ndër të tjera futbollisti.
Joshua gjithashtu postoi një video të quajtur: E vërteta ime. Ai bëhet kështu lojtari i parë në aktivitet që pranon hapur se është homoseksual. Këtë e kishte bërë më parë ish-mesfushori i Gjermanisë, Thomas Hitzlsperger, por në vitin 2014, një vit pasi kishte lënë zyrtarisht futbollin e luajtur. Bota e futbollit i ka dalë menjëherë në mbështetje, me shumë lojtarë që kanë shprehur përkrahjen e tij, mes të cilëve Gerard Pique dhe Antoinne Griezmann.