Gara për Bashkinë Gjirokastër, TCH zbulon dy emra të tjerë si kandidatë të mundshëm

Prej muajsh PS ka nisur përgatitjet për zgjedhjet lokale të 30 qershorit. Pritshmëritë ishin që lista garuese e kandidatëve për kryetar bashkie të publikohej gjatë Kongresit të së shtunës. Por kryesia vendosi që këtë proces ta shtyjë pas kongresit. Një burim nga PS i tha Top-Channel se kjo ka ndodhur për arsye të vijimit me sondazhet për disa qytete ku kjo forcë politike ka ende dilema për kandidatët. Sa i përket Gjirokastrës përvec Flamur Golemit dhe Ornela Cucit që kanë dalë tashmë si emra, kandidatë të mundshëm janë edhe Artemisa Malo, zv.ministre e Jashtme dhe Armand Hila, kryetar i Këshillit të Qarkut.