Tabloidi britanik The Sun njoftoi se dokumentet e zbuluara të spiunazhit tregojnë se presidenti rus Vladimir Putin ka sëmundjen e Parkinsonit në fazën e hershme dhe kancerin e pankreasit.
Thashethemet për shëndetin e keq të Putinit kanë qarkulluar prej vitesh, me inteligjencën perëndimore që më parë sugjeronte se ai ka probleme serioze shëndetësore.
The Sun tani pretendon se ka parë e-maile në të cilat një burim i inteligjencës ruse pranë Kremlinit pretendon se Putini është diagnostikuar me sëmundjen e Parkinsonit dhe kancerin e pankreasit në fazën e hershme, si dhe thashethemet se Putin ka gjithashtu kancer të prostatës.
“Mund të konfirmoj se ai është diagnostikuar me një fazë të hershme të sëmundjes së Parkinsonit, por tashmë po përparon. Ky fakt do të mohohet dhe fshihet në çdo mënyrë të mundshme”, thuhet në e-mail.
“Putinit i jepen rregullisht lloje të shumta të steroideve të rënda dhe injeksione novatore kundër dhimbjeve për të ndaluar përhapjen e kancerit të pankreasit të diagnostikuar së fundmi”, shkruan një burim i supozuar i inteligjencës ruse pranë Kremlinit.
“Shkakton jo vetëm dhimbje të forta, por edhe ënjtje të fytyrës dhe efekte të tjera anësore – duke përfshirë humbjen e kujtesës. Thashethemet po qarkullojnë mes njerëzve të afërt me Putinin se përveç kancerit të pankreasit, i cili gradualisht po përhapet, ai ka edhe kancer të prostatës”, lexohet në e-mail, sipas The Sun.
Zyrtarët e Kremlinit gjithmonë kanë mohuar se diçka nuk është në rregull me shëndetin e Vladimir Putin.
