Kryeministri Rama ka pasur një situatë të tensionuar me gazetarët gjatë deklaratë s së sotme për mediet pas përfundimit të mbledhjes së Kryesisë së PS-së. Protagoniste edhe kësaj radhe ka qenë gazetarja e Syrit, Ambrozia Meta.
Në dy momente Meta ka vënë në vështirësi kryeministrin. Së pari duke iu referuar Alqi Bllakos që pritet të arrestohet nga SPAK për aferën e inceneratorëve, Meta i tha Ramës se po i formohet një grup i ri parlamentar në burg.
“Alqi Bllako është i disati person nga grupi juaj parlamentar që po ju shkon në burg. Po ju krijohet një grup parlamentar në burg zoti kryeministë, nuk ndiheni përgjegjësi?”, i tha Ambrozia Meta-Edi Ramës.
Momenti i dytë ishte kur po kjo gazetare i kujtoi Ramës një deklaratë të tij se nuk i shikon me vëmendje shkresat që i vijnë për firmë mbi tryezën e punës për shkak të volumit të madh të tyre. Në
Ambrozia Meta: A do t’i shikoni letrat që firmosni pas këtij episodi zoti kryeministër?
Rama: Ti e humbet sot në këtë moment të drejtën e përgjigjeve të mia për 60 ditët në vijim, kalon në riedukim. Në sot kemi pasur një mbledhje të kryesisë. Është e pabesueshme…
Ambrozia Meta: Është e pabesueshme që kemi një tjetër deputet nga grupi juaj në arrest.
Rama: Mësohuni t’i besoni këto sepse do shikoni shumë më tepër akoma.
Ambrozia Meta: Pse nuk e njihni që është aferë korruptive?
Rama: Tani do mbani ndonjë rregull këtu se unë s’di çfarë të bëj. Ky është abuzim ekstrem me detyrën, me publikun. S’po them bullizëm se i bie jam unë i bullizuari, por edhe bullizëm është.
