Gazetarja e Fax News, Ambrozia Meta, e cila u bë e njohur muaj më parë gjatë një përplasje me kryeministrin Rama në konferencë për shtyp, kur sapo kishte plasur skandali për vëllain e Fatmir Xhafës, ka komentuar së fundi edhe operacionin e policisë për arrestimin e Klement Balilit. Përmes një statusi në Facebook, me ironi, ajo ‘zbulon’ vendndodhjen e të ashtuquajturit ‘Eskobari i Ballkanit’, i cili është në kërkim prej dy vitesh. Ja çfarë shkruan gazetarja.
“Mu çakordua ryli i fytit, duke u thënë që Klement Balili fshihet në Tepelenë. I veshur me kostum sportiv te zi, me vija të bardha, ai është maskuar si një anëtar i grupit “Ali Pashë Tepelena” dhe i kalon pasditet duke ngrënë fara në Pedonale. Në fundjavë, kur errësohet, shkon në Vanister, te Kalimera për të ngrënë tollumba. Shpërblimin 5 milion, që me takon si informatore, nuk e dua, do ta dhuroj për Fondin e Edukimit”, shkruan Meta.
Një ditë më parë policia ndërmori një operacion në Sarandë e Delvinë për kapjen e Klement Balilit, por që nuk rezultoi i suksesshëm.
©ArgjiroLajm.net
