Kancelarja gjermane, Angela Merkel paralajmëroi një dimër të vështirë duke e lidhur situatën me përhapjen e Covid-19. Gjermania është futur ndërkohë në një mbyllje të pjesshme njëmujore, që synon të pakësojë shifrat e rasteve të infektimit.
“Dimri në ardhje do të parashtrojë kërkesa të mëdha për të gjithë ne. Virusi do të vazhdojë të mbizotërojë jetën tonë për mjaft kohë”, tha Merkel, duke theksuar se kjo do të thotë se njerëzit nuk mund të takohen më aq lehtë sa në të kaluarën. Komentet e saj vijnë përpara një takimi të planifikuar për të hënën me përfaqësuesit e shtetit, për të vlerësuar efikasitetin e mbylljes së pjesshme të vendit.
