Kandidati i LSI-së për deputet në Gjirokastër, Vangjel Tavo, në mungesë të takimeve në terren me elektoratin pasi nuk e pret më njeri, ka shpeshtuar daljet televizive, që në këto kohë fushata janë padiskutim shumë të shtrenjta. Por Tavo që bën moral për varfërinë me sa duket e ka mundësinë për të paguar. Sidoqoftë kjo është çështje tjetër. I pyetyur nga Bashkimi nëse ai mund të ishte Ministër i Brendshëm pas 25 prillit nëse opozita do të fitonte, Tavo dha këtë përgjigje.
“Bashkim nuk mendoj fare për këtë gjë. Sot jam i fokusuar në fitoren e zgjedhjeve dhe në largimin e sektit të Rilindjes. Por nëse do të mendonim, se cfarë risie sjell që një mjek të drejtojë Ministrinë e Brendshme, mund t’ju them që edhe korrupsioni, edhe krimi, edhe bandat janë sëmundje Bashkim, janë sëmundje që duhen shëruar. Janë sëmundje që në këto 30 vjet i kanë zënë frymën vendit”, u shpreh kandidati i LSI-së duke mos e fshehur dëshirën për të qenë Ministër i Brendshëm. Vetëm se duhet ta ndajnë mendjen kush do të jetë, pasi mediat pranë LSI-së kanë projektuar Ilir Metën si Ministër të Brendshëm në rast se opozita do të vinte në pushtet.
©argjiroja.net
