Trupi i pajetë i Kostandinos Kaçifas vazhdon të qëndrojë në morgun e spitalit ‘Omer Nishani’ Gjirokastër. Gjatë mbrëmjes së djeshme në morg ka shkuar babai dhe të afërm të tij për të tërhequr trupin. Por ata nuk janë lejuar nga policia. Në morg kishte oficerë të FNSH-së që ruanin ambientin. Trupi është mbajtur kaq gjatë për të kryer autopsinë dhe raportin mjeko-ligjor në funskion të hetimeve të kësaj ngjarje.
Pritet që ceremonia mortore të zhvillohet sot pasdite në fshatin Bularat, aty ku edhe ndodhi ngjarja që terrorizio Dropullin. Vrasja e Kostandinos Kaçifas nga forcat RENEA ndodhi rreth 600 metra larg banesës së tij në vijë ajrore. Forcat RENEA kanë pohuar se ka qenë e pamundur që ai të neutralizohej, pasi 35-vjeçari gjuante pa pushim me armë. Prokurori ndërkohë do të hetojë nëse kishte mundësi që autori të neutralizohej nga policia pa u qëlluar me armë apo jo.
©ArgjiroLajm.net
