Tenderi për rikonstruksionin e tualeteve në konviktin e djemve nuk është i vetmi për Ndërmarrjen e Trajtimit Studentor Gjirokastër. Po gjatë muajit gusht është mbyllur edhe një tender tjetër, me vlerë rreth 16 milionë lekë të vjetra pa Tvsh. Në po të njëjtin konvikt do të bëhet hidroizolimi i tarracës dhe rikonstruksioni i korridorit. Tenderi është fituar nga kompania ‘Colombo’ Sh.p.k me seli në Fier. Por drejtoresha Doriana Demo ka menduar edhe për vajzat, në konviktin e të cilave do të bëhet gjithashtu hidroizolimi i pjesshëm i tarracës. Afati i fundit për dorëzimin e ofertave është dita e sotme.
Ky tender kap vlerën e rreth 11 milionë lekëve të vjetra pa Tvsh. Pra, në harkun kohor të rreth dy muajve, Doriana Demo ka firmosur tre tendera me vlerë totale rreth 37 milionë lekë të vjetra pa Tvsh. Natyrisht që këto investime kryhen tani për t’i paraprirë vitit të ri akademik që nis në mes të tetorit. Ndonëse duhet thënë se në fakt, më shumë sesa me anën infrastrukturore, Universiteti i Gjirokastrës ka problem numrin e ulët të studentëve vit pas viti. Më poshtë dokumentet e dy tenderave të radhës të Ndërmarrjes së Trajtimit Studentor.
©ArgjiroLajm.net
