E njëjta kompani që fitoi tenderin për rikonstruksionin e tualeteve të konviktit të djemve në Gjirokastër, ka marrë edhe tenderin për hidroizolimin e pjesshëm të tarracës së konviktit të vajzave. Prokurimi është bërë nga Ndërmarrja e Trajtimit Studentor Gjirokastër.
Në njoftimin për shpalljen e fituesve thuhet se firma ‘Bilibashi’ Sh.p.k me seli në Libohovë ka rezultuar si oferta e suksesshme, ndërsa janë skualifikuar nga gara tre kompani të tjera; ‘Elka’ sh.p.k, ‘Ergi’ sh.p.k dhe ‘Sark’ sh.p.k. Fondi limit i vënë në dispozicion për këtë investim është rreth 11 milionë lekë të vjetra. Ndërkohë kujtojmë se firma ‘Bilibashi’ Sh.p.k është gjithashtu fituese edhe në tenderin për riasfaltimin e rrugës së Asim Zenelit, fshatit të kreut të Këshillit të Qarkut, Armand Hilaj.
©ArgjiroLajm.net
