Zgjodhi rrugën më të shkurtër, por i doli më gjatë. Fjala është për një të ri në Gjirokastër, i cili vendosi të depozitonte plehret pranë kështjellës së Argjirosë. Shkelja është konstatuar nga Policia Bashkiake, e cila më pas njoftoi Policinë e Shtetit për të bërë shoqërimin e tij në komisariat dhe për ta proceduar penalisht. Ngjarja ndodhi mesditën e sotme në lagjen ‘Cfakë’.
Shkelësi është shtetasi me inicialet A.B. Hedhja e mbetjeve urbane, aq më tepër pranë monumenteve të kulturës, është një gjest i qortueshëm edhe moralisht. Kur plehrat na bëhen pirg jemi ne të parët që ankohemi, shajmë e kritikojmë bashkinë apo qeverinë.
Dhe me të drejtë. Ama nëse bëhemi vetë shkak për të ndodur ambientin duke i flakur mbetjet sa nga ballkoni e sa nëpër rrugë, kjo është e patolerushme. Të derdhësh plehrat në rrugët e kalldrëmta apo pranë monumenteve të kulturës, është vërtet një turp i madh, që një Zot e di se si mund të guxosh ta bësh.
©argjiroja.net
