Prefektura Gjirokastër ka shpërndarë ndihma për familjet e përmbytura nga reshjet e disa ditëve më parë. Kërkesa për ndihma është bërë nga prefekti Astrit Aliaj për Drejtorinë e Rezervave të Shtetit, sqaron Prefektura përmes një njoftimi. Janë kryesisht ushqime dhe veshmbathje, të cilat do të shpërndahen në 7 bashkitë e qarkut Gjirokastër tek ato familje që janë përmbytur.
Pa paragjykuar këto ndihma, më shumë e rëndësishme për banorët është të merren masa që të mos përmbyten herë tjetër, sesa qeset me makarona epo batanijet e rezervave të shtetit. Kuptohet që prefekti Astrit Aliaj s’mund të konsiderohet përgjegjës për përmbytjet në Gjirokastër, por drejtuesit e bashkive, ata të mëparshmit dhe këta aktualët, janë patjetër përgjegjës.
Batërdia që është bërë me ndërtime për vite me radhë dhe shkatërrimi i kanaleve kulluese apo hidrovorëve, kanë patjetër rolin e tyre në përmbytje. Një ditë më parë në Vlorë pati një incident me kryebashkiakunn Dritan Leli dhe banorët e Novoselës, të cilët refuzuan ndihmat në ushqime e veshmbathje, duke i kërkuar thjesht të merren masa që të mos përmbyten sërish.
©ArgjiroLajm.net