Ky billboarder që shihni në foton që sjell ArgjiroLajm.net ka zënë vend në Gjirokastër prej pak kohësh. Nëse do të ishte në ndonjë rrugë nacionale apo autostradë, normalisht nuk do të përbënte asnjë çudi. Por në fakt kjo hapësirë reklamuese është vendosur sipër trotuarit në bulevardin e lagjes ’18 Shtatori’, përballë ish shtëpisë së ushtarakëve.
Jo vetëm estetikisht që është shumë e shëmtuar dhe ngjan si çiban në mes të rrugës, por vështirëson edhe ecjen e këmbësorëve. Nuk dihet se kush e ka dhënë miratimin për vendosjen e këtij objekti, por logjika të çon pikërisht te Bashkia Gjirokastër, e cila është përgjegjëse për administrimin e qytetit. E kanë bërë nga padija apo kanë mbyllur sytë me dashje, kjo ende nuk dihet me siguri.
©ArgjiroLajm.net
