Gjirokastra ka tashmë një zonë me akses të lirë interneti. Falë një projekti të SME Albania, të mbështetur nga Ministria e Turizmit dhe Mjedisit është krijuar zona në Pazarin e qytetit, pjesa më atraktive e Gjirokastrës që mbledh shumë turistë dhe ku janë përqëndruar numri më i madh i bizneseve.
Projekti “Pazari- Gjirokastër Free WiFi Zone” u implementua me mbështetjen e Ministrisë se Turizmit dhe Mjedisit ne Pazarin Historik te qytetit Gjirokaster, per kijimin e aksesis te “free wifi” per subjektet tregtare te kësaj zone, si dhe turistet vendas dhe te huaj.
Ky shërbim i jep Gjirokastrës fizionominë e nje qendre turistike të ngjashme me shumë qytete të tjera europiane, si dhe lehtëson komunikimin e turistëve pa u tarifuar nga shërbimet roaming.
Shërbimi i internetit është një nga elementët që turistët në të gjithë botën e vlerësojnë dhe për të cilin lënë shpesh përshtypje në platforma të ndryshme online. Krijimi i një Free WiFi Zone në Gjirokastër është një vlerë e shtuar për qytetin dhe perspektivën e tij turistike.
