Një lajm i trishtë ka ardhur mëngjesin e sotëm nga qyteti i Gjirokastrës. Ka ndërruar jetë profesori dhe gazetari i njohur sportiv Sokrat Papadhopuli. Në rrjetet sociale janë publikuar disa mesazhe ngushëllimi për të.
Bledi Çuçi
I trishtë lajmi për ndarjen nga jeta të Sokrat Papadhopullit, personalitetit që la gjurmë të patjetërsueshme në Gjirokastër, Dropull e mbarë vendin, me kontributin e tij të çmueshëm në arsim, sport e publicistikë. Ikja e një intelektuali si ai krijon një boshllëk të madh jo vetëm te familja, por edhe në jetën publike të vendit tonë e sidomos në radhët e minoritetit grek në Shqipëri. Ndonëse është vlerësuar me shumë çmime ndër vite, Sokrati shquhej për një modesti të admirueshme që sot e gjen rrallë e më rrallë. Mbase edhe prej kësaj modestie kishte arritur të fitonte respektin e të gjithë atyre, që në mos e kishin e takuar, së paku patën lexuar diçka prej tij në gazetë apo në botime të tjera ose e kishin dëgjuar teksa komentonte ndeshjet e futbollit. I shpreh ngushëllimet e mia familjes Papadhopulli, të afërmve dhe miqve të tij. I lehtë i qoftë dhéu!
Roland Bejko
Ndarja nga jeta krejt pa pritur e Sokrat Papadhopullit është një humbje e madhe për familjen, të afërmit dhe miqtë e tij. Me ikjen e Sokratit, Gjirokastra dhe Dropulli humbën edhe një personalitet të nderuar të qytetarisë, edukimit, kulturës dhe sportit. Me humbjen e Sokratit, kemi humbur njëherësh dhe një pjesë të rëndësishme të memorjes sportive të shekullit të kaluar. Largimi i të tillë figurave nga kjo jetë, kaq shpesh kohët e fundit, po hapin zgavra të mëdha boshësie si shpirtërore, por edhe fizike në atë qytet, që ndoshta, do të duheshin dekada që të mbusheshin. Qoftë i parajsës Sokrati! Ngushëllime familjes! I paharuar do të jetë!
Artemis Malo
“ Ai qe i behet nje padrejtesi eshte me pake fatkeq nga ai qe ja shkaktoi ate.
Te Shekspiri lexojme :
Me mire te vritesh
se sa te vrasesh
dhe ne gezime te shqetesuara
te jetosh pas kesaje! “ pak ditë para se të largoheshe… jepje mesazhet e një jete! 😞
Lamtumirë i fismi, i mençuri, zotëria i lindur, Profesori i nderuar Sokrat Papadhopulli ! Jemi më të varfër sot pa ty! U prehsh në paqe! Krenarë kush të njohu, në Gjirokastër e kudo! Ngushëllime familjes! 🥀🙏
Gezim Basha
“Sokrat Papadhopulli, një fisnik i rrallë, intelektual klasi, iluminist dhe humanist i madh, e varfëroi me ijken e tij Gjirokastrën, Dropullin dhe të gjithë Shqipërinë. Matematicien me dhunti të rralla, para të cilit përuleshin profesorët, ai kontribuoi për shumë dekada në arsim duke manifestuar modestinë e njeriut të madh që punonte pa u lodhur, afër njerëzve dhe larg krekosjes akademike. Ndër komentatorët sportivë më elegantë të shtypit Shqiptar, enciklopedist i futbollit, shkrimet e frymëzuara të Sokrat Papadhopullit na bënin ta donim edhe më shumë ekipin tonë simpatik, Luftëtarin e Gjirokastres. Jeta e ti mbetet shembull i mundësisë mendore dhe shpirtërore për të qenë njëherësh Shqiptar dhe Grek, minoritar dhe gjirokastrit, duke ruajtur thelbin e patjetërsueshëm njerëzor. Personalitet i rrallë dhe i madh, që do të na mungojë! U prehtë në paqe!”
Vangjel Tavo
