Kryeministri Edi Rama zhvilloi një takim ditën e sotme në Përmet. Rama u takua me biznesmenë dhe operatorë turistikë në qytet. Ai ka theksuar përmirësimet e dukshme në sektorin e turizmit në këtë rajon. Rama tha se një Shqipëri e tërë jeton jashtë asaj që e quan kënetë.
Për shprehjen “gjysma e burrave çyrykë”, Rama tha se se është një metaforë dhe bëjnë moral dhe habiten pse “po shkojmë në drejtimin e duhur”.
“Çiftin këtu i kam njohur për herë të parë kur kishin filluar këtë gjë, me pasion dhe shpirtin e aventurës por sot janë në nivel tjetër. Por është një komunitet t tërë që bën këtë punë. Po shikoja zhvillimet në këtë kamping. Më thotë Zamo, kur e ke nxjerrë këto fotografitë na marrin etj. Prandaj e bëj, ti bëj një farë reklame gjërave të bukura. Se ku e merr vesh një shqiptar që nuk është i kësaj fushe, ose në një qytet tjetër se ça ndodh në një qytet tjetër? Nga lajmet? Harroje. Nga portalet? Harroje. Nga ato që qarkullojnë? Harroje.
Është një Shqipëri që jeton jashtë asaj kënete mediatike. Dhe pastaj habiten dhe thonë ça shohin shqiptarët që mendojnë se po shkojmë në drejtimin e duhur. Janë po këta që shqetësohen kur them se gjysma e burrave janë çyryk. Është një metaforë, që lidhet me vështrimin e politikës. Dhe bëjnë moral pastaj. Prandaj ju kërkova ndjesë, se mendoj duhet ta thosha pasi vlen shumë për kontrastin e Shqipërisë reale, që përpiqet”, tha Rama.
