Një 15-vjeçar shqiptar është vënë në pranga nga policia greke, pasi akuzohet se ka goditur me thikë një 16-vjeçar në Patisia.
Mediat greke shkruajnë se 15 vjeçari së bashku me disa bashkëmoshatarë ka tentuar të grabisin 16-vjeçarin. Grupi ka nisur të grabisë 16-vjeçarin, por më pas e kanë goditur me thikë.
15-vjeçari shqiptar akuzohet për vrasje të mbetur në tentativë, vjedhje, shkelje të ligjit për armët dhe sjellje të parregullt.
I arrestuari ka refuzuar të japë shenja gishtash, por sipas policisë, gjatë kontrollit në banesën e tij, i janë gjetur dhe konfiskuar veshjet që kishte veshur në momentin e sulmit.