Milan dhe Allegri marrin një goditje të fortë në këtë sprint final, në garën e tyre për të siguruar një vend në Champions League. Luka Modric mbyll sezonin me “djallin”, kjo pasi analizat që iu nënshtrua mesfushori nxorën në pah një frakturë në mollëzën e majtë, duke e detyruar tashmë t’i nënshtrohet një ndërhyrje kirurgjikale. Modric pësoi një dëmtim në fytyrë pas një përplasje me Locatellin duke dalë nga fusha në minutën e 80-të.
Në reagimin për mediat, klubi i Milan uroi Modric për një shërim të shpejtë në prag të Botërorit FIFA2026 i cili pritet të jetë i fundit për mesfushorin me përfaqësuesen e Kroacisë.
Në letër, sfida ndaj Juve mund të jetë e fundit për Modric me fanellën kuqezi pasi në fund të këtij sezoni i përfundon kontrata, por sipas mediave italiane, palët mund të gjejnë një akord të ri për të rinovuar kontratën edhe për një tjetër sezon.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
