Një anije me pasagjerë është përfshirë nga flakët në Greqi. Ngjarja ka ndodhur gjatë natës, kur anija me 875 persona në bord sapo kishte lënë portin e Pireut me destinacion Chania në Kretë.
Siç raportojnë mediat në Greqi, në anije ishin 141 anëtarë ekuipazhi dhe pjesa tjetër pasagjerë. Flakët kanë nisur në një zonë në garazhin e tragetit, ndërsa nuk dihen ende shkaqet e rënies së zjarrit
Zyrtarë të rojes bregdetare thanë se nuk pati njoftime për persona të lënduar.
Ndërkohë behet e ditur nga burime mediatike qe thonë se në anije kishte edhe rreth 200 shqiptarë. Autoritetet kanë nisur një hetim për zbardhjen e rrethanave të zjarrit në traget.
