Pala greke ka mbyllur kufirin prej orës 22:00 të mbrëmjes së shkuar ndonëse pati zëra që thanë se do të punonin gjatë gjithë natës. Emigrantët shqiptarë vijojnë të presin në radhë për ditë me radhë. Ndërkohë forca të ushtrisë shqiptare gjatë mbrëmjes kanë shpërndarë ushqime të lehta, kryesisht sandwich e ksufllaqe, për emigrantët që presin në qiell të hapur. Gjatë ditës është shpërndarë ujë, si dhe është ofruar shërbim mjekësor. Emigrantët ndërkohë hedhin akuza herë pas here se punonjës të policisë kalojnë jashtë radhe automjete të ndryshme. I gjithë nxitimi i emigrantëve për të kaluar kufirin është se prej datës 16 gusht do të aplikohen regulla të reja për kalimin e kufirit, sic është paraqitja e testit antiCovid në kufi, si dhe karantinimi për 7 ditë.
©argjiroja.net
