Greqia ka marrë disa masa të reja teksa është në prag të nisjes së vitit të ri shkollor nga ku mësohet se qeveria e Mitsotakis ka vendosur ndalimin e përdorimit të telefonit celular në shkolla. Sipas rregullit të ri nxënësi mund të sjellë celularin në shkollë, por duhet ta ketë vetëm brenda çantës gjatë gjithë kohës deri sa të mbarojë orari i shkollës.
Kryeministri Mitsotakis ka thekuar se përdorimi i celularëve gjatë ditës në shkollë ndikon jashtëzakonisht negativisht në vetë procesin mësimor. Ai njoftoi se slogani me të cilin do të hapen shkollat këtë vit akademik do të jetë “Celularët në çantë”.
”Sipas rregulli të ri nxënësi mund të sjellë celularin në shkollë, por duhet ta ketë vetëm brenda çantës gjatë gjithë kohës deri sa të mbarojë orari i shkollës. Kërkoj mbështetjen e gjithë nxënësve, prindërve dhe mësuesve në një përpjekje që ka të bëjë me faktin se celularët nuk duhet të kenë vend në shkolla”, deklaroi Mitsotakis në takimin e tij me kryesinë e Ministrisë së Arsimit.
